«Xavfsiz xayot uchun» xayriya marafoni

5-mart kuni Toshkent shahrida joylashgan «Humo Аrena» ko‘p funksiyali muz saroyi Enter Engineering kompaniyasi homiyligi ostida «Xavfsiz hayot uchun» piyoda yurish va velopoyga bo‘yicha xayriya marafoni o‘tkaziladigan manzilga aylandi.

O‘zbekiston Respublikasi Ichki ishlar vazirligi Jamoat xavfsizligi departamenti bilan hamkorlikda tashkil etilgan tadbir bexatar tashqi muhitni, shu jumladan yo‘llarda xavfsizlikni shakllantirishga bag‘ishlandi. Mamlakatning barcha hududlarini qamrab olgan aksiya doirasida maktab o‘quvchilari, shuningdek, shahar bo‘ylab harakat qilish uchun velosipedlardan muntazam foydalanadigan fuqarolar ishtirok etdilar.

Marafonning ochilish marosimida Enter Engineering Bosh direktori o‘rinbosari — maʼmuriy direktor Timur Аbdullayev so‘zga chiqib, ushbu tadbir, shubhasiz, yo‘l harakati xavfsizligini mustahkamlash, jinoyatchilikka qarshi kurashish, huquqbuzarliklarning oldini olish va ularning kelib chiqish sabablarini aniqlashga xizmat qilishini taʼkidladi. Shu bilan birga, u kompaniya tomonidan kechki payt maktabdan qaytayotgan o‘quvchilar va velosipedchilar uchun o‘zidan yorug‘lik taratuvchi nimcha (jilet)lar tayyorlangani haqida so‘zladi.

Ushbu tadbir dasturiga aksiya ishtirokchilari va mehmonlari uchun ajoyib konsert dasturi tashkil etildi, uning doirasida marafonning faol ishtirokchilariga qimmatbaho sovg‘alar topshirildi.