Trening o‘tkazildi

9–10 fevral kunlari «ERIELL prof Education» NTM anjumanlar zalida FIDIC shartnomalari shartlari va ularni qo‘llash xususiyatlarini o‘rganishga bag‘ishlangan trening bo‘lib o‘tdi.

Enter Machineries Service (EMS) tomonidan O‘zbekiston muhandis-konsultantlar assotsiatsiyasi va Enter Engineering bilan hamkorlikda tashkil etilgan treningda Kompaniyalar guruhining 30 nafar xodimi ishtirok etdi. Tadbirning asosiy mavzulari «Shartnomalar kiritish kursi (FIDIC Contracts Introductory course)» va «FIDIC shartnomalari daʼvolari va nizolarini hal qilish bo‘yicha kurs (FIDIC claims and disputes course)» boʻldi.

Treningning asosiy spikeri xalqaro huquq va arbitraj, shuningdek, FIDIC shartnomalari bo‘yicha mutaxassis Firuza Boboqulova bo‘ldi. Bundan tashqari, u FIDIC shartnomalari doirasida arbitraj va Dispute Board jarayonlarida arbitr va tomonlarning yuridik maslahatchi, Xalqaro savdo palatasining (ICC) Xalqaro arbitraj sudi a’zosi sanaladi. U o‘z chiqishida FIDIC shartnoma shartlarining barcha turlari va ularni qo‘llash sohalari haqida to‘liq ma’lumot berdi. Shuningdek, u ushbu shartnomalar shartlaridagi farqlar haqida tinglovchilarni xabardor qildi.

Shuningdek, O‘zbekiston Respublikasi Vazirlar Mahkamasi huzuridagi «UzInjiniring» Respublika loyiha instituti yuridik bo‘limi boshlig‘i Olga Tsoy va Claim/Quality Management, O‘zbekiston muhandis-konsultantlar assotsiatsiyasi (UZACE/ACEU is full member of FIDIC) a’zosi Umid Yusufaliyev so‘zga chiqdilar. Shuningdek, ular o‘z taqdimotlarida FIDIC shartnoma shartlarini o‘rganishning turli jihatlari, ularning zamonaviy sharoitlarda qo‘llanilishi va qurilish loyihalarini amalga oshirishdagi ahamiyatlariga to‘xtalib o‘tdilar. Ma’ruzachilarning interfaol tarzda o‘tkazilgan qiziqarli va mazmunli taqdimotlari o‘quv-ma’rifiy muhit va bama’ni bahs-munozarani yaratishga xizmat qildi.

Enter Engineering kompaniyasining faoliyati bevosita xorijiy hamkorlar bilan bog‘liq bo‘lib, ularning soni yil sayin ortib bormoqda. Ushbu o‘zaro munosabatlarning muvaffaqiyati hamkorlikning barcha sohalariga ta’sir ko‘rsatadigan aniq o‘ylangan strategiyaga bog‘liq. Har bir sherik muloqotda o‘ziga xos xususiyatlarga ega, shuning uchun ham xalqaro protokol, ham odob-axloq qoidalarini bilish talab etiladi. Shu nuqtai nazardan qaraganda, trening foydali bo‘lib, barcha ishtirokchilarga o‘z kasbiy kompetentsiyalarini rivojlantirish va ularni xalqaro darajaga ko‘tarish imkonini berdi.