Hamkorlik uchun yo‘nalish

9-avgust kuni «Bunyodkor» ofisida Enter Engineering, Saneg, Eriell va SXTU vakillari o‘rtasida «Synergiya» korporatsiyasi ta’lim platformalari — «Synergiya» universiteti, Moskva tadbirkorlik akademiyasi va Moskva texnologiya instituti mutaxassislari bilan ishchi uchrashuv bo‘lib o‘tdi.

Tadbir davomida mehmonlar ta’limning turli bosqichlari bo‘yicha mingdan ortiq dasturlarni o‘z ichiga olgan o‘z texnologik resurslariga asoslangan uzluksiz ta’lim modellari taqdimotini o‘tkazishdi.

— Raqamlardan ko‘p narsani bilsa bo‘ladi, — deydi «Synergiya» universitetining hududiy rivojlanish bo‘yicha prorektori Mixail Valeryevich Yerofeyev. — Bizning taʼlim korporatsiyamiz talabalarning umumiy soni boʻyicha Rossiyaning eng yaxshi 10 ta universitetlari qatoriga kiradi: 2015-yildan beri ularning soni 25 mingdan 210 ming nafarga yetdi. 2024-yil sentyabr oyidan Namanganda IT kolleji ochiladi, shundan so‘ng bitiruvchilarga ikki mamlakatning davlat diplomlari beriladi. Birinchi qabul boshlangan, 200 nafarga yaqin abituriyent tez orada kunduzgi va sirtqi bo‘limlarda o‘qishni boshlashi kerak.

Kompaniyalarimiz tomonidan «Synergiya» faoliyatiga qiziqishga sabablar: talabalar sonining yuqori o‘sish dinamikasi, onlayn yo‘nalishlarning rivojlanishi, ish bilan ta’minlangan talabalar ulushining doimiy o‘sib borishi, hayot davomida tegishli ko‘nikmalar va bilimga ega bo‘lish imkoniyati, shuningdek, Rossiya Federatsiyasi va MDH mamlakatlarida 68 ta vakolatxonalarning mavjudligi.

— Muvaffaqiyatli hamkorlik qilishimiz mumkin bo‘lgan bir qancha yo‘nalishlarimiz bor, — dedi uchrashuv yakunini Enter Engineering kompaniyasi bosh direktorining o‘rinbosari — ma’muriy direktori Timur Ruslanovich Abdullayev. — Birinchidan, bu qurilish obyektlarida o‘rta bo‘g‘in xodimlarining boshqaruv vakolatlarini oshirishdir. Hech kimga sir emaski, biz ko‘plab mutaxassislarni «noldan» rivojlantiramiz, lavozimga ko‘tarilganda ularga «rahbariyat mushaklarini» kuchaytirish lozim bo‘ladi. Bundan tashqari, kompaniyamizda universitetdan bizga kelgan sobiq talabalar ham ishlaydi. Ularning diplomlari bor, lekin amaliy ishda talab qilinadigan ko‘nikmalari yetarli emas.

Uchrashuv yakunlari bo‘yicha Kompaniyalar guruhi va «Synergiya» universiteti o‘rtasida hamkorlik kelishuvini imzolash to‘g‘risida qaror qabul qilindi hamda Samarqand xalqaro texnologiya universiteti (SXTU) bilan qo‘shma ta’lim dasturlarini ishlab chiqish bo‘yicha dastlabki kelishuvga erishildi. Bundan tashqari, Kompaniyalar guruhi xodimlari taklif qilingan dasturlar bo‘yicha o‘z farzandlarining ta’limiga chegirmalarni olishlari mumkin.